وتەبێژی وەزارەتی دەرەوەی کۆماری ئیسلامی ئێران رایدەگەیەنێت" لە سەردانەکەی نێچیرڤان بارزانی گفتوگۆی راست و دروست لەگەڵ بەرپرسانی ئێران کراوە".
ناسر کەنعانی وتەبێژی وەزارەتی دەرەوەی ئێران، بە ئاژانسی (فارس نیوزی) راگەیاندووە" عێراق گرنگییەکی تایبەتی هەیە لە پرس و سنورە هاوبەشەکان لەگەڵ ئێران".
وتیشی" لە سەردانەکەی ئەم دوایەی نێچیرڤان بارزانی سەرۆکی هەرێم گفتوگۆی راست و دروست، لەگەڵ بەرپرسانی کۆماری ئیسلامی ئێران کراوە".
وتەبێژی وەزارەتی دەرەوەی ئێران لە لێدوانەکەیدا هیواشی خواست کە کاریگەری ئەو گفتوگۆیانەش لە دوای ئەو سەردانە" بە کردەوە دەربکەوێت و ببێتە هۆی پتەوکردنی هەماهەنگی نێوان هەردوولا لە هەموو بوارەکاند".
وتیشی" نێچیرڤان بارزانی دڵنیایی کردینەوە رێگە نادەن لە خاکی هەرێمەوە ئاسایشی ئێران بە ئامانج بگیرێت".