وەزارەتی پێشمەرگە لهبارهی دهنگۆی جوڵه پێكردنی هێزهكانی پێشمهرگه له ناوچهكانی مهخمور و قهرهچوغ ڕاگەیەندراوێکی بڵاوکردەوە و دەڵێت" هیج جوڵه پێكردنێكی نائاسایی بهرامبهر هێزهكانی عیراق نهكراوه".
وەزارەتی پێشمەرگەی حکومەتی هەرێمی کوردستان لە ڕوونکردنەوەیەکدا لهبارهی دهنگۆی جوڵه پێكردنی هێزهكانی پێشمهرگه، له ناوچهكانی مهخمور و قهرهچوغ ڕایدەگەیەنێت" هیج جوڵه پێكردنێكی نائاسایی بهرامبهر هێزهكانی عیراق نهكراوهو ئهوهشی روویداوه، بههۆكاری ئهوهی ماوهیهكه ههڕهشهكانی تیرۆریستانی داعش لهناوچهكانی چیای قهرهچووغ و مهخمور زیادبووهو، زانیارییه ههواڵگرییهكان ئهوه دووپاتدهكهنهوه، كه داعش دهیهوێت كردهوهی تیرۆریستی لهو ناوچانه ئهنجامبدات".
ڕاشیگەیاندووە" وهك ئامادهسازی بۆ ههر مهترسی و جموجۆڵێكی تیرۆریستان لهو ناوچانهدا، بهشێك لهیهكه سهربازییهكانی هێزی پێشمهرگه لهناوچهكانی چیای قهرهچووغ و باكوری مهخمور خراونەتە حاڵەتی ئامادەباشیەوە".
لە ڕاگەیەندراوەکەدا ئەوەش هاتووە، تەنها مهبهست لەو ئامادەسازییەی هێزهكانی پێشمهرگه، رێگریكردنه له کردەوەی تیرۆریستان و پاراستنی سهقامگیری و ئاسایشی ناوچهكه، پێشووتریش هۆشداریمان دابوو، لهمهترسییهكانی تیرۆریستان لهو ناوچانهدا، كه بههۆی بۆشایی ئهمنی لهنێوان هێزی پێشمهرگه و سوپای عێراقدا هەیە، لهمڕوهشهوه بهردهوام داوای ههماههنگی هاوبهشی سەربازیمان كردووه بۆ تێکشکانی تیرۆریستان.