ئەمڕۆ یەک شەممە لە سلێمانی بەهۆی دواکەوتنی مووچەکانیانەوە زیاتر لە دوو مانگ، فەرمانگە فیدراڵیەکانی پارێزگای سلێمانی بایکۆتی دەوامیان راگەیاند.
فەرمانگەکانکە کۆی فەرمانبەرەکانیان ٤هەزار و ٧٠٠ فەرمانبەرە، لە بەیانی ئەمڕۆوە یەک شەممە کاروباری هیچ هاوڵاتییەکیان رانەپەڕاند و لە سەرجەم دەزگاکاندا بایۆکتیان راگەیاند، ئەم هەڵوێستەش پاش ئەوە دێت کە هەفتەی رابردوو رایانگەیاند کە لەسەرەتای ئەم هەفتەیەوە گەر مووچەکانیان بۆ خەرج نەکرێت بایکۆت رادەگەیەنن.
هەفتەی رابردوو وەزارەتی دارایی و ئابوریی هەرێم لەرونکردنەوەیەکدا رایگەیاند، كۆی گشتی تەمویلی پێویست بۆ موچەی یەك مانگی فەرمانبەرانی ڕەگەزنامەی هەرێمی كوردستان نزیكەی ٦ ملیار و ٢٥٠ ملیۆن دینارە، لە كۆی ئەو بڕە پارەیە مانگانە حكومەتی ناوەند نزیكەی ملیارێك و ٨٦٢ ملیۆن دیناری بۆ ٤٧٠٠ موچەخۆرانی فەرمانگە فیدراڵیەکان ناردوە کە لە ٢٥٪ مووچەی مانگێک دەکات.