سكرتێری مه‌كته‌بی سیاسیی پارتی دیموكراتی كوردستان ئاشکرای کرد ٢٦ ی ئایاری ئەمساڵ پارتیی دیموکراتی کوردستان کۆنگرەی ١٤هەمین خۆی دەبەستێت.
ئەمڕۆ سێ شەممە لەکۆنگرەیەکی رۆژنامەگەریدا، فازڵ میرانی، سكرتێری مه‌كته‌بی سیاسیی پارتی دیموكراتی كوردستان رایگەیاند " سەرکردایەتی حزبەکەیان بڕیاریداوە رۆژی ٢٦ ی ئایاری ئەمساڵ کۆنگرەی چواردەهەمینی خۆی ئەنجام بدات.
پێشتر پارتی تائێستا دوجار کاتی بەستنی کۆنگرەی ١٤هەمینی دیاریکردووە، یەکەمجار بڕیاربوو ساڵی ٢٠١٤ و دواتر کۆتایی ساڵی ٢٠٢٠ پارتی کۆنگرەی خۆی لەدهۆک ئەنجام بدات، بەڵام ئەمجارەیان بەهۆی بڵاوبوونەوەی ڤایرۆسی کۆرۆناوە دواخرا.
پارتی دیموكراتی كوردستان له ١٦ ی ئابی ١٩٤٦ دامه‌زراوه و تائێستا ١٦ کۆنگرەی ئەنجامداوە.