ئێوارەی ئەمڕۆ پشکی پارتی بە ناوی ئەنجومەنی ئاسایشی هەرێمەوە ڤیدیۆی دانپێدانانی گیراوەکانی بادینانی بڵاوکردەوە، کەمێک لەمەوبەر پشکەکەی یەکێتی لە ئەنجومەنی ئاسایش ئەو راگەیاندن و دانپێدانانەی رەتکردەوە.
لە روونکردنەوەیەکدا کە کەمێک لەمەوبەر لەلایەن ئەنجومەنی ئاسایش پشکی یەکێتی یەوە بڵاوکرایەوە، تیایدا هاتووە " ئێوارهی ئهمڕۆ سۆشیاڵمیدیای كهناڵی حزبێكی دیاریكراو، له ژێر ناوی دامهزراوهی (ئهنجومهنی ئاسایشی ههرێمی كوردستان)، راپۆرتێكی ڤیدیۆیی بڵاوكردۆهتهوه. لهو راپۆرتهدا، دانپێدانانی چهند كهسێك پهخش كراوه و تۆمهتی سیخوڕی كردنیان دراوهته پاڵ. ئهمه له كاتێكدا كه ئهنجومهنی ئاسایشی ههرێمی كوردستان، سهر به سهرۆكایهتی ههرێمی كوردستانه، كهناڵی بڵاوكردنهوهی فهرمیی ههیه و پێكهاتووه له پێنج ئهندام، بهڵام ئێمه سێ ئهندامی ئهنجومهنهكه به هیچ جۆرێك ئاگاداری ئهو راپۆرت و دانپێدانانه نین كه بهناوی ئهنجومهنی ئاسایش بڵاو كراونهتهوه".
هەروەها هاتووە " ههر بڵاوكراوهیهكیش به بێ ئاگاداریی ئێمه و بێ پشتڕاستكردنهوهی زانیارییهكانی لهلایهن ئێمهوه بڵاو بكرێتهوه، سیفهتی فهرمیبوون وهرناگرێت و نوێنهرایهتی بڵاوكراوهكانی ئهنجومهنی ئاسایش ناكات. بۆیه ئێمهی ئهندامانی ئهنجومهنی ئاسایش ههر جۆره بهیاننامهیهك رهتدهكهینهوه ئهگهر به ئاگاداریی ئێمه نهبێت و پێشتر له راستی و دروستییهكهی دڵنیا نهبین، دووپاتی دهكهینهوه ئهو بهیاننامهیهی ئهمڕۆش، تهعبیر له رای فهرمیی ئهنجومهنی ئاسایش ناكات".
گرووپەکەی یەکێتی کە چەند بەرپرسیارێتیەکی نیو ئەنجومەنی ئاسایشیان هەیە، پێکدێن لەسهرۆكی دهزگای ئاسایشی ههرێمی كوردستان، بهڕێوهبهری ئاژانسی پاراستن و زانیاری – زانیاری، بهڕێوهبهری ههواڵگریی پێشمهرگه.