بەیانی ئەمڕۆ سێشەممە ١٦ی ئازاری ٢٠٢١ مەراسیمی یادکردنەوەی ٣٣ ساڵەی کارەساتی کیمیابارانکردنی هەڵەبجە بە کۆبوونەوەی خەڵک لە بەردەم پەیکەری عومەری خاوەر دەستیپێکرد.
بڕیاریشە دواتر خەڵکەکە بە رێپێوان بچن و تاجە گوڵینە لەسەر مەزاری شەهیدانی هەڵەبجە دابنێن، لە مەراسیمەکە جگە لە کەسوکاری شەهیدان بەرپرسی حکومی و حزبی و خەڵکی هەڵەبجە بەشدارن، پاشان لەسەر مەزارەکە کۆمەڵێک وتار پێشکەش دەکرێت.
ئه‌مڕۆ ٣٣ ساڵ به‌سه‌ر تاوانی كیمیابارانكردنی ھه‌ڵه‌بجه تێپه‌رده‌بێت و ساڵانه لەم ڕۆژەدا یادی ئه‌و تاوانه ده‌كرێته‌وه.