بەیانی ئەمڕۆ شەممە ٢٧ی ئازار بە لێبڕینی ٢١٪ دابەشکردنی مووچەی مانگی سێی فهرمانبهرانی هەرێم دەستپێکردەوە.
بەپێی ئەو خشتەی وەزارەتی دارایی و ئابووریی حکومەتی هەرێمی کوردستان پێشتر بڵاویکردووەتەوە ئەمڕۆ شەممە مووچەی هەریەكە لە وەزارەتەكانی شەهیدان، پەروەردە، هەروەها مووچەی كەسوكاری شەهیدان و ئەنفالكراوان و زیندانیانی سیاسی دابەشبكرێت.
بڕیارە لەماوەی شەش رۆژدا و تاوەكو رۆژی چوارشەممە ٣١ی ئازار دابەشكردنی مووچەی سەرجەم فەرمانبەران كۆتایی پێ بهێندرێت.