تەندروستی سلێمانی ڕایدەگەیەنێت" لە ٢٤ کاتژمێری ڕابردوو ٢٠ تووشبووی نوێی كۆرۆنا داغڵی نەخۆشخانەكان كراون و چوار نەخۆشیش گیانیان لەدەستداوە".
به‌ڕێوه‌به‌رایه‌تی گشتی ته‌ندروستی سلێمانی لە ڕاگەیەندراوێکدا ڕایگەیاند" کە ئەمڕۆ ٢٠ توشبووی كۆرۆنا داخڵی نەخۆشخانەكانی تایبەت بە كۆرۆنا لە شارەكە كراون".
ئەوەشی ئاشکراکراکردووە، تائێستا ١٣٠ توشبووی کۆرۆنا لە نەخۆشخانەکان ماونەتەوە و ١١٧ کەسیش لەژێر ئۆکسجیندایە.
هاوکات سێ توشبووی كۆرۆنا نەخۆشخانەكانیان جێهێشتوە و چوار حاڵەتی گیان له‌ده‌ستدانیش لەوماوەدا تۆمارکراوە.
بەپێی دواین ئاماری وەزارەتی تەندروستی حكومەتی هەرێمی کوردستان، تائێستا ١٣٤ هەزار و ٦٥٦ كەس تووشی كۆرۆنا بوون، لەو ژمارەیە ١١٤ هەزار و ٨٤٥ تووشبوو چاكبوونەتەوە و سێ هەزار و ٨١٤ تووشبوو گیانیان لەدەستداوە.