لەسەر دۆسیەی كوشتنی گەنجێك مەفرەزەكانی بەشی پۆلیسی فریاكەوتنی سلێمانی دوو تۆمەتباریان دەستگیركرد .
بەڕێوەبەرایەتی پۆلیسی پارێزگای سلێمانی رایگەیاند " شەوی ڕابردوو لەگەڕەكی ڕاپەرینی شاری سلێمانی لەئەنجامی دەمەبۆڵەی نێوان دوو دراوسێ دوكان شەرو ئاڵۆزی دروست بوو لەئەنجامدا خاوەنی یەكێك لە دوكانەكان(دوكانی ساردەمەنی ) كە بەچەقۆهێرشی كرابووە سەروو بریندار بوو و گیانی لەدەستدا ."
هەروەها هاتووە "دەستبەجێ هێزەكانی بەشی پۆلیسی فریاكەوتن و بنكەی پۆلیسی ڕاپەڕین گەیشتنە شوێنی ڕوداوەكەو توانرا لەماوەیەكی كەمدا تۆمەتباری سەرەكی ڕوداوەكە كە هەڵاتبوو لەچەند گەڕەكێك لەولای شوێنی ڕوداوەكە لەلایەن بەشی پۆلیسی فریاكەوتنەوە دەستگیركرا كە خاوەنی كافتریاكەیە و تۆمەتبارێكی تریش كە هاوكاری كوشتنەكە بووە دەستگیركرا" .
پۆلیسی سلێمانی دەشڵێت " لەئێستادا هەریەك لە تۆمەتباران ك ، ع ، ع لەدایكبوی 1990، ژ ، ف ، ر لەدایكبووی 1998
بەبڕیاری دادوەرو بەپێی ماددەی 405 لەیاسای سزادانی عیراقی ڕاگیراون و لێكۆڵینەوە لە گەڵیان بەردەوامە".