رۆژی دووشەممەی داهاتوو وەزارەتی دارایی و ئابووری مووچەی مانگی تەمموزی 16 وەزارەت و دامودەزگای دیکەی حکومەت دابەشدەکات.

دلێر تاریق، وتەبێژی وەزارەتی دارایی و ئابووری حکومەتی هەرێمی کوردستان بە رووداوی راگەیاند": یەکشەممەی داهاتوو  کە دەکاتە رۆژی 7ی ئەیلولی 2014  مووچەی سەرجەم ئەو خانەنشینانە دابەشدەکرێت کە مووچەیان وەرنەگرتووە".

 راشیگەیاند، رۆژی دووشەممە 8ی ئەیلولی  2014 مووچەی مانگی تەمموزی وەزارەتەکانی ئاوەدانکردنەوە، گەشتوگوزار و شارەوانی، رۆشنبیریی، کارو کاروباری کۆمەڵایەتی، شەهیدان و ئەنفالکراوان، پیشەسازی و وزە، داد، سامانە سروشتییەکان، دەستەی سەربەخۆی مافی مرۆڤ، دیوانی چاودێری دارایی، دەستەی وەبەرهێنان، دەستەی دەستپاکی، دەستەی ژینگەی هەرێم، ئەنجوومەنی دادوەری، دەستەی ناوچە دابڕێنراوەکانی دەرەوەی ئیدارەی هەرێمی کوردستان دابەشدەکرێت.