رێكخراوی چاودێری كورۆساید- چاك، لە بەیاننامەیەكدا داوا دەكات شوێنی كوشتن‌و شاردنەوەی كوژراوەكانی شەڕی ناوخۆ ئاشكرا بكرێت‌و روفاتی كوژراوەكان رادەستی كەسوكارەكانیان بكرێت.

دەقی بەیاننامەكە:

لەئاست ئەو کۆمەڵکوژییە بێ دەنگ نابین
 ڕوفاتی کوژاروەکانی شەڕی ناوخۆ بگەڕێننەوە بۆکەس و کاریان
 
چاڕەنوسی دیل و  بێسەرو شوێنکراوانی شەڕی ناوخۆی کوردستان  لە یادی  تێپەڕبونی ٢١ ساڵەی ئەو شەڕەدا ئاشکرا کران و ھەموو ئومێدی کەس و کاری قوربانییەکان و مرۆڤ دۆستان بۆ مانەوەی ئەوان لەژیاندا  , لەناو بران کە ژمارەی کوژراوانی ئەم تاوانە بە گوێرەی ئامارە نا فەرمیەکان  زیاتر لە ١٢ ھەزار کەسە  و زیاتر لە 400 کەسیش بێ سەروشوێنن!!
ئێمە وەک رێکخراوی چاودێری کوردۆساید _ چاک وێرای ئیدانەکردنی بێباکی کابینەکانی حکومەتی ھەرێمی کوردستان لەبەرامبەر خەمساردی نواندنیان و دەستی بەدەستی کردنی کەس و کارەکانیان  لە مەڕ چارەنوسی قوربانیەکان و دیلەکانی شەڕی ناوخۆ لە ماوەی ٢١ ساڵی رابردودا ,  سوربونی خۆمان  لەسەر ھەڵوسێتەکانمان دوپات دەکەینەوە بۆ دادگای کردنی تاوانبارانی شەڕی ناوخۆ لەداگایەکی دادپەروەرانە و سەربەخۆدا , چونکە لە پشتی ھەڵگیرسانی شەڕی ناوخۆی حیزبەکوردیەکاند لەدوای ڕاپەرینی بەھاری ساڵی ١٩٩١  ، چەندین تاوانبا رھەیە کەدەبێت بەتاوانباری جەنگ و پشتگیرکردن لە کوشتنی خەڵکی کوردستان بدرێنەدادگا و مافی تاوانەکانی خۆیان وەربگرن .
  ڕبَکخراوی ئێمە لەئاست ئەم کۆمەڵکوژییە بێ دەنگ نابێت و لەھەنگاوی یەکەماندا وەک ھەڵوێستێکی شلگێڕانە داوای ئاشکراکردنی شوێنی کوشتن و شاردنەوەکانیان دەکەین و دەبێت کەس و کاری دیل و بێ سەرو شوێنکراوەکان کە ئێستا چارەنوسیان ئاشکرا کراوە ,  ڕوفاتەکانیان بگەڕێنرێتەوە بۆکەس و کارەکانیان ,  بۆئەوەی  وەک کەس و کاری ئەنفال کراوەکانمان لە چاوەڕوانی ئازیزانیاندا لەوەزیاتر فرمێسکی خوێنین نەڕێژن ؟!
 داواکارین لە سەرجەم رێکخراوەکانی مافی مرۆڤ و مرۆڤ دۆستان پشتگیریمان بکەن  بۆئەوەی  ئەم تاوانە قیزەونانەی پارتە بەشەڕھاتووەکان فەرامۆش نەکەین و ڕێگە نەدەین جارێکی تر کورد بەدەستی کورد ئەنفال بکرێتەوە و بەکۆمەڵ بیان شارننەوە .

رێکخراوی چاودێری کوردۆ ساید –چاک
8/5/2015