بەمەبەستی رزگارکردنی ژمارەیەک گوندی دەوروبەری شەنگال لە نزیک ( دەروازەی شەلۆ) شەش چەکداری داعش بە دیل گیران.
فرات باکۆک فەرماندەی مەیدانی پەکەکە لەشەنگال بە ماڵپەڕی هەواڵ ٢٤ راگەیاندووە " هێزەکانی گەریلا بەرزاییەکانی کوڵک لە رۆژئاوای دەروازەی شلۆوە لەنێوان باشوری کوردستان و شاخی کزوانە لە رۆژئاوای کوردستان بە قوڵی ١٥ کم بەتەواوی رزگارکردووە".
فرات باکۆک ئاماژەی بۆ ئەوە کرد کە هێزەکانیان لەو شەڕەدا ژمارەیەک چەکداری داعشیان کووشتووەو ٦ یان لێ بەدیل گرتوون.
لەرۆژی ١١/١٣ هێزی پێشمەرگەو گەرێلا بە هاوپشتی فڕۆکە جەنگەیەکانی هاوپەیمانان توانیان شارۆچکەی شەنگال و ١٣ گوندی چواردەوری ئازاد بکەن.