میدیایەکی بەناوبانگی نزیک پارتی کرێکارانی کوردستان بڵاویکردەوە، پارتی دیموکراتی کوردستان هێزێکی ناردۆتە رۆژئاوای کوردستان لەگەڵ یەپەگەدا بەشەڕ هاتوون.
ئاژانسی هەواڵی (هاوار) کە زۆربەی چالاکیەکانی شەڕڤانان و پەکەکە بڵاودەکاتەوە، لەمیانەی هەواڵێکیدا رایگەیاند" پارتی دیموكراتی كوردستان چەندین چەكداری ناردووەتە ناوچەی عەزاز لە سوریا و شەڕی یەپەگە دەكەن.
ئەو ئاژانسە بڵاویکردۆتەوە ، پارتی دیموكراتی كوردستان چەكدارانی خۆی بەناوی(پێشمەرگەی رۆژاڤا) رەوانەی ناوچەی عەزازی سوریا كردووە و لە ئێستادا لە بەرامبەر یەپەگە شەڕ دەكەن.
ئاژانسەكە دەشڵێت ، ئەو چەكدارانە بێ ئەوەی خۆیان بشارنەوە لەسەر راگەیاندنەكان دەردەكەون و لە شاشەی تەلەفیزیۆنەكانەوە لە ژێر ناوی(نەوەكانی سەلاحەدین) هەرەشە لە یەپەگە دەكەن.