پارتی، مەحمود محەمەد لە جێگەی جەعفەر ئیمنیكی دادەنێت
پارتی دیموكراتی كوردستان، مەحمود محەمەد، ئەندامی مەكتەبی سیاسی وە وتەبێژی فەرمیی حیزبەكەی دەستنیشان كرد.
بەپێی هەواڵێكی ماڵپەڕی فەرمیی پارتی دیموكراتی كوردستان، مەحمود محەمەد كە هاوكات بەرپرسی دەزگای رۆشنبیریو راگەیاندنی پارتییە، بە فەرمی بووەتە وتەبێژی پارتی.
پێشتر جەعفەر ئیمنیكی ئەندامی مەكتەبی سیاسی وتەبێژی پارتی بوو كە پاش ئەوەی بوو بە جێگری سەرۆكی پەرلەمانی كوردستان كەمتر وەك وتەبێژی پارتی لێدوانی دەدا.
PM:01:42:30/06/2016