رێكەوت زەكی، سەرۆكی فراكسیۆنی سەوز لە ئەنجومەنی پارێزگای سلێمانی رایدەگەیەنێت كە رێگری كردوە لەپێدانی 652 مەتر زەوی بە بەڕێوەبەری بانكی قەڵادزێ‌و ژمێریارەكەی بە نایاسایی.

رێكەوت زەكی بە سپی راگەیاند: بەڕێوەبەری بانکی قەڵادزێ داوای كردوە كە ٦٥٢ م زەوی کە موڵکی بانکەکەیە لەسەر خۆی وژمێریارەکە تاپۆبکرێت.

وتیشی: ئەم داواكارییە لەکاتێکدا ھەزاران فەرمانبەری سنوری پارێزگای سلێمانی دوای خزمەتێکی زۆر ھێشتا زەویان وەرنەگرتووە کەچی ئـەم بەڕێوەبەرە بەڕێزە داوای ٦٥٢ مەتر زەوی بانکەکەی دەکات وەریبگرێت.

ئاماژەی بەوەشدا: دوای وردبینی بەڵگەکان داوامان لە بەڕێز سەرۆکی ئـەنجومەن کرد ڕێکاری ئـیداری و یاسایی پێویست بگرێتەبەر و سزای سەرپێچیکاربدات.