ئاسایشی سلێمانی راگەیەنراوێك بڵاودەكاتەوە
بەڕێوەبەرایەتی ئاسایشی سلێمانی ڕایگەیاند، دادگای سلێمانی بە تاوانی بەکارهێنانی ماددەی هۆشبەر سزای سێ تاوانباری داوە، کە دوانیان دەرۆزەکەربوون.
بەڕێوەبەرایەتی ئاسایشی سلێمانی لە ڕاگەیەندراوێکدا دەنوسێت "بەمەبەستی بنبڕکردن و ڕێگرتن لە هێنان و بازرگانی کردن بەهەموو جۆرە ماددەیەکی هۆشبەرەوە ، هێزەکانی ئاسایشی سلێمانی توانیان لەناو شاری سلێمانیدا بەبڕیاری دادوەر و بەپێی ماددەی (١٤) ی مخدرات ،لەڕۆژانی ٢١/٦/٢٠١٦ و ٢٠/٧/٢٠١٦ سێ کەس دەستگیربکەن ،دوای گەڵاڵەبونی دۆسیەکانیان و هەواڵەکردنیان بۆ دادگا ،لە ڕۆژی ٢٥/١٠/٢٠١٦ لەلایەن دادگای تاوانەکانی سلێمانیەوە سزادران"
لە ڕاگەیەندراوەکەدا ناو تاوانبارەکان بەم شێوەیەی خوارەوە هاتووە :
١ـ تاوانبار ( ڕ،ح،ع ) لەدایکبوی ساڵی (١٩٧٣ ) عێراق ، پیشەی کاسب ، ڕەگەز نێر ، بەتاوانی بەکارهێنانی مەوادی هۆشبەر دەستگیرکراوە، سزادراوە بۆ ماوەی (١)ساڵ ، غەرامەکردنی بەبڕی (٤٥٠٠٠٠) چوار سەدوو پەنجا هەزار دینار .
٢ـ تاوانبار ( ی،ز،ف ) لەدایکبوی ساڵی (١٩٩٠ ) عێراق ، پیشەی دەرۆزەکەر ، ڕەگەز مێ ، بەتاوانی بەکارهێنانی مەوادی هۆشبەر دەستگیرکراوە ، سزادراوە بۆ ماوەی (١)ساڵ ، غەرامەکردنی بەبڕی (٤٥٠٠٠٠) چوار سەدوو پەنجا هەزار دینار .
٣ـ تاوانبار ( گ، خ ، ڕ ) لەدایکبوی ساڵی (١٩٩٤ ) عێراق ، پیشەی دەرۆزەکەر ، ڕەگەز مێ ، بەتاوانی بەکارهێنانی مەوادی هۆشبەر دەستگیرکراوە ، سزادراوە بۆ ماوەی (١)ساڵ ، غەرامەکردنی بەبڕی (٤٥٠٠٠٠) چوار سەدوو پەنجا هەزار دینار .
PM:05:01:30/10/2016