پەروەردەی سلێمانی بڕیاریدا گۆڕانکاری لە پشووی وەرزی یەکەمدا بکات کە بڕیار بوو لە ناوەڕاستی ئەم مانگەدابێت و تاقیکردنەوەی وەرزی یەکەمیشی بۆ ٩ی ئازار دواخست و تاقیکردنەوەکە تا ١٩ی ئازار بەردەوام دەبێت

ئەمڕۆ بەڕێوەبەرایەتی گشتی پەروەردەی سلێمانی، لەگەڵ سەرجەم بەڕیوەبەرەكانی پەروەردەكانی سنوری سلێمانی بۆ دانانی ساڵنامەی خوێندنی 2016-2017 كۆبونەوە و چەند بڕیارێکیان داوە.

ماڵپەڕی خەڵک بڵاویکردووەتەوە "كە لە كۆبوونەوەكەی ئەمڕۆی پەروەردەی گشتی سلێمانی لەگەڵ سەرپەرشتیار و بەڕیوەبەری پەروەدەكان بڕیاردراوە یەكەم ڕۆژی تاقیكردنەوەكانی وەرزی یەكەم لە ڕۆژی پێنج شەممە 9/3/2017 دەست پێدەكات و ڕۆژی 19/3/2017 كۆتایی پێدەهێنرێت".

هەر لە هەواڵەکەدا هاتووە بۆ پشووەكانی نەورۆز و بەهار تەنها 5 ڕۆژ دیاری كراوە، كە لە ڕۆژی 20/3/2017 دەستپێدەكات و ڕۆژی 25/3/2017 یەكەم ڕۆژی دەستپێكی وەرزی دووەم دەبێت"

ئاشکراشکراوە ڕۆژی تاقیكردنەوەكانی وەرزی دووەمی ئەمساڵ ڕۆژێك دوای یادی كرێكاران دەست پێدەكات و لە ڕۆژی 2/5/2017 تا 31/5/2017 بەردەوام دەبێت.