خانمه‌ ئه‌ستێره‌ی تۆڕه‌ كۆمه‌ڵایه‌تیه‌كان جیهان هاشم پاش ئه‌وه‌ی له‌گه‌ڵ گه‌نجێكی كوردی دانیشتوی وڵاتی سوید په‌یوه‌ندی خۆشه‌ویستی دروستكردوه‌ ئاشکرایکرد کە جیابوونەتەوە.

لە هەواڵێکی ماڵپەڕی خەڵکدا هاتووە " جیهان هاشم له‌گه‌ڵ كورێكی كورد به‌ناوی (هاوسه‌ر) كه‌ ئه‌ویش به‌ هه‌مان شێوه‌ له‌ تۆڕه‌ كۆمه‌ڵایه‌تیه‌كان چالاكه‌ و پێشتر له‌گه‌ڵ جیهان هاشم قسه‌یان له‌ دژی یه‌كدی كردووه‌، په‌یوه‌ندیان دروستكرد، به‌ڵام په‌یوه‌ندیه‌كه‌یان هه‌فته‌یه‌كی نه‌خایاند و جیابونه‌وه‌."

هەروەها دەڵێت " ئه‌مڕۆ جیهان هاشم جگه‌ له‌وه‌ی ڕایگه‌یاند له‌ خۆشه‌ویسته‌كه‌ی جیابۆته‌وه‌، سه‌رجه‌م ئه‌و وێنانه‌شی سڕیه‌وه‌ كه‌ له‌گه‌ڵ هاوسه‌ردا گرتبووی."

ئەمەش لە کاتێکدا دێت دوێنێ، شەیما قاسم شاجوانی عێراق کە کوردە لە هاوسەرەکەی جیابووەکە کەمتر لە مانگێکە هاوسەرگیریان کردووە.