پۆلیسی سلێمانی رایده‌گه‌یه‌نێت، ئه‌و كه‌سانه‌ی له‌ سلێمانی شه‌وانه‌ ده‌رمانخانه‌كانیان ده‌بڕی له‌ لایه‌ن هێزه‌كانی پۆلیسه‌وه‌ ده‌ستگیرگراون و بۆ ئه‌و مه‌به‌سته‌ش ڤیدیۆی ده‌ستگیركردنه‌كه‌ی بڵاوكردووه‌ته‌وه‌.

پۆلیسی سلێمانی رایگه‌یاند: دوای‌ تۆماركردنی‌ چه‌ند سكاڵایه‌ك له‌لایه‌ن خاوه‌نی‌ ژماره‌یه‌ك ده‌رمانخانه‌ له‌ناو شاری‌ سلێمانی‌ كه‌ شه‌وان ده‌رگای‌ دوكانه‌كانیان ده‌شكێندرێت ‌و دزی پاره‌یان لێده‌كرێت، پاش كۆكردنه‌وه‌ی‌ زانیاری‌ ورد، توانرا تۆمه‌تباره‌كان بدۆزرێنه‌وه‌و رۆژی 21ی ئه‌م مانگه‌‌ له‌لایه‌ن هێزه‌كانی‌ پۆلیسی‌ سلێمانی‌ به‌هه‌ماهه‌نگی‌ لیژنه‌ی‌ ئه‌منی‌ هه‌ردو تۆمه‌تبار ده‌ستگیربكرێن.

ده‌شڵێت: "له‌كاتی‌ ده‌ستگیركردنی تۆمه‌تباره‌كاندا ده‌ستیشگیراوه‌ به‌سه‌ر دو ئۆتۆمبێلیدا له‌جۆری‌ كرۆلاو سۆپه‌ردا، هه‌روه‌ها یه‌كێك له‌تۆمه‌تباره‌كان پێشتر به‌تاوانی‌ دزیكردن ده‌ستگیركراوه‌".

ئه‌وه‌شی وتووه‌: "هه‌ردو تۆمه‌تبار دانیانناوه‌ به‌تاوانه‌كانیانداو له‌ئێستادا به‌ بڕیاری‌ دادوه‌ری‌ نه‌هێشتنی‌ تاوان به‌ندن‌ و لێكۆڵینه‌وه‌كان به‌رده‌وامن".