سپی میدیا - هەڵەبجە
پۆلیسی هەڵەبجە رایگەیاند، سەرلەبەیانی ئەمڕۆ پیاوێک تەقەی لە
برایەكی و دو برازای خۆی كردوە و لە ئەنجامدا براكەی و یەكێك لە برازاكانی كوشتوە
و برازاكەی دیکەشی برینەکەی سەختە.
وتەبێژی پۆلیسی پارێزگای
هەڵەبجە، بەرزان عوسمان ڕایگەیاند بكوژەكە
لە فەرمانگەی شارەوانی هەڵەبجە فەرمانبەرە و تاوەكو ئێستا دەستگیرنەكراوە.
وتەبێژەکەی پۆلسی هەڵەبجە
وتیشی كە یەكێكیان برای بكوژەكەیە و ناوی (لوقمان غەفور كەریم)ە و تەمەنی 47 ساڵە
و بەڕێوەبەری گواستنەوەی هەڵەبجەیە و ئەویدیكەیان برازای بكوژەكەیە تەمەنی
24 ساڵە و فەرمانبەرە لە بەڕێوەبەرایەتی گواستنەوەی هەڵەبجە.
لەبارەی هۆکاری
ڕووداوەکەشەوە بەرزان عوسمان ڕوونیکردەوە بەهۆی كێشەی كۆمەڵایەتییەوە بوە و
لەناوچەی گوندی عەبابەیلێی نزیك هەڵەبجە رویداوە و ئاشكراشیكرد كە ئەمە یەكەم
روداوی كوشتنە لەمساڵدا لە پارێزگای هەڵەبجە.