پۆلیسی دهۆک ڤیدیۆیەکی بڵاوکردەوە، کە تیایدا ئەفسەرێکی پۆلیسی فریاکەوتن لە ناوەندی بازاڕی دهۆک کەسێک لە هەوڵی خۆکوشتن ڕزگار دەکات.

بە وتەی پۆلیس ڕووداوەکە ڕۆژی ١٤ی ئەم مانگە بووە و بەپێی گرتە ڤیدیۆییەکە، کەسێک لەسەر باڵکۆنی یەکێک لە نهۆمەکانی بینایەک دانیشتووە کە پێدەچێت هەوڵی دابێت خۆی بخاتە خوارەوە، بەڵام دواتر ئەفسەرێكی پۆلیس بە ناوی (ڕێبەر نەعمەت) دەیگرێت و ناهێڵێت ئەو کارە بکات.

جێگەی باسە پۆلیسی دهۆک هیچ زانیارییەکی لەسەر ناسمانەی ئەو کەسە بڵاونەکردووەتەوە کە هەوڵی خۆکوشتنی داوە.