لە گەڕەکی راپەڕینی شاری قەڵادزێ تەرمی ژنێک لە ماڵەکەی خۆیدا کە خاوەنی شەش منداڵە دۆزرایەوە

رائید شۆڕش ئیسماعیل، وتەبێژی بەڕێوەبەرایەتی پۆلیسی راپەڕین بە ماڵپەڕی ڕووداوی وتووە " کاژێر 10:30 خولەکی رۆژی چوارشەممە 31-5-2017، تەرمی هاونیشتمانییەک بەناوی(ک.ح.خ) لەدایکبووی 1981، کە خاوەنی هاوسەر و شەش منداڵە لەماڵەکەی خۆیدا دۆزرایەوە".

ڕاشیگەیاندووە " پێدەچێت ئەو رووداوە تاوانکاری بێت ، چونکە جەستەی شوێنەواری ئەشکەنجەدانی پێوەدیارە ، بەڵام جارێ روون نەبووەتەوە تاوانکارییە یاخود نا، لە لێکۆڵینەوە بەردەوامین و رێکاری یاسایی گیراوەتەبەر".

ڕوونیشێ کردووەتەوە تەرمەکەی لە پزیشکی دادوەری قەڵادزێ بەڕێکراوە بۆ پزیشکی دادوەری سلێمانی، بەمەبەستی زانینی هۆکاری راستەقینەی مردنەکەی.