سەرۆک وەزیرانی عێراق حەیدەر عەبادی لەناو شاری موسڵەوە رزگارکردنی موسڵی راگەیاند.
عەبادی لەناو شاری موسڵەوە کەمیک پێش ئێستا رزگارکردنی موسڵ و کۆتایی هێنان بە دەسەلآتی چەکدارانی دەوڵەتی ئیسلامی لەو شارە راگەیاند.
عەبادی لە وتەیەکدا کە راستەوخۆ کەناڵەکان بلآویان کردەوە ئاماژەی بۆ ئەوە کرد کە دەسەلآتی ترس و تۆقاندنی داعش لە موسڵ کۆتایی هات.
فهرماندهی گشتی هێزه چهكدارهكانی عیراق وتیشی: سهركهوتن له موسڵ بهسهر داعشدا بههۆی پلانێكی سهركهوتووه بووه و سوپاسی سهرجهم پێكهاتهكانی عیراق دهكهم كه هاوكارمان بوون، ههروهها سوپای ئهو وڵاتانهش دهكهم كه له شهڕی تیرۆر و داعشدا هاوكاریی عیراق بوون.
عهبادی داوایی له سهرجهم ئاوارهكانی شاری موسڵ كرد بهسهرجهم پێكهاته و ئاینه جیاوازهكانهوه بگهڕێنهوه بۆ ماڵهكانی خۆیان و ژیان دهست پێبكهنهوه.
رۆژی 10ی حوزهیرانی 2014 چهكدارانی داعش بهبێ هیچ رووبهڕووبوونهوهیهك لهگهڵ هێزه ئهمنییهكانی عیراق و بهماوهی چهند كاتژمێرێك شاری موسڵیان كۆنتڕۆڵكرد كه بهدووهم گهورهترین شاری عیراق ههژمار دهكرێت.
بهمهبهستی كۆنتڕۆڵكردنهوهی شارهكه و دهركردنی چهكدارانی داعش، حهیدهر عهبادی فهرماندهی گشتی هێزه چهكدارهكانی عیراق رۆژی 17ی تشرینی یهكهمی 2016 ئۆپهراسیۆنی واهاتین نهینهوای راگهیاند.