مەسعود
بارزانی وەک سەرۆکی هەرێم رۆژی هەڵبژاردنی سەرۆکایەتی هەرێم و پەرلەمانی کوردستانی
دیاریکرد و داوای لە لایەنە پەیوەندیدارەکان کرد، پابەند بن بە ئەنجامدانی کاری
پێویست و هاوکاریی و هەماهەنگی لەگەڵ کۆمیسیۆنی باڵای سەربەخۆی هەڵبژاردن و راپرسی
بۆ جێبەجێکردنی ئەو فەرمانە.
لە فەرمانێکی هەرێمیدا ، مەسعود بارزانی ، رۆژی 1-11-2017-ی وەک
رۆژی ئەنجامدانی هەردوو هەڵبژاردنی پەرلەمانی کوردستان و سەرۆکایەتی هەرێمی
کوردستان دیاریکرد کە وەک لە فەرمانەکەدا هاتووە "پاڵپشتە بە یاسای
سەرۆکایەتی هەرێمی کوردستان ژمارە 1-ی ساڵی 2005-ی هەموارکراو".
ئەمەش لە کاتێکدا دێت کە
بەشێک لە لایەنە سیاسییەکان بۆچوونی جیاوازیان سەبارەت بە پۆستەکەی بارزانی هەیە و
پێیان وایە لە دەسەڵاتی پەرلەماندایە بڕیار لە ڕۆژی هەڵبژاردن بدات لە ئێستادا.