ئه‌مڕۆ پێنج شه‌ممه لە بەردەم بارەگای مەڵبەندی كۆمەڵی ئیسلامی لە گەرمیان ته‌قه‌مه‌نی دۆزراوه‌ته‌وه، و به‌وته‌ی مه‌ڵبه‌نده‌كه ته‌قه‌مه‌نیه‌كه بۆمب بووه و پوچه‌ڵەكراوەته‌وه.
مەڵبەندی شەشی گەرمیانی كۆمەڵی ئیسلامی لە بەیاننامەیەكدا بڵاویكردەوە "ئەمڕۆ بەرواری 3-8-2017 لەبەردەم بارەگای مەڵبەند عەلاگەیەكی ڕەشی گوماناوی لەلایەن پۆلیسی پاسەوانی مەڵبەندەوە دەبینرێت، دوای سەیركردنی بۆیان دەردەكەوێت عەلاگە ڕەشەكە (تەقینەوەیە)".
روونیشیكردەوە "لە هەمانكاتدا بەبێ دەستكاریكردن ئاسایشمان لێ ئاگاداركردەوە، بەسوپاسەوە ئاسایشی كەلار و گەرمیان وەك ئەركی خۆیان و بەپەلە بەدەمەوە هاتن و دەستیان بەلێكۆڵینەوە كرد".
دەشڵێت "ئێمە وێڕای ئیدانەكردنی ئەم كارە و هەركارێكی تری لەوجۆرە كە هێمنی و ئاسایشی هەرێم تێكبدات، چاوەڕوانی دەرەنجامی لێكۆڵینەوە و بەدواداچوون و ئاشكراكردنی ئەوانەین كە لەپشت ئەم كارە تێكدەرانەوەن".