مەسعود بارزانی سەرۆکی پارتی دیموکراتی
کوردستان بە بۆنەی ساڵیادی دامەزراندنی حزبەکەیەوە پەیامێکی بڵاوکردەوە و داوای لە
لایەنگیرانی حزبەکەی کرد کە پاڵپشتی ڕیفراندۆم و سەربەخۆی بن.
بارزانی
ڕایگەیاندووە پارتی ھەر لە سەرەتای دامەزراندنییەوە ھەتا
ئێستا ئامرازێک بووە بۆ بەدیھاتنی ئامانجە دیموکراتی، نیشتمانی و نەتەوەییەکانی
گەلی کوردستان و لە ھەمانکاتیشدا ھاوشان لەگەڵ ھێزە تێکۆشەر و نیشتمانپەروەرەکانی
تری کوردستان ئامرازی بەرگریکردن بووە لە ماف و پێناسەی گەلی کوردستان لە ھەموو
قۆناغەکاندا.
هەر لە
پەیامەکەی بارزانیدا هاتووە لەو
بۆنەیەدا بە پێویستی دەزانم سوپاسی خۆڕاگری وکۆڵنەدانی جەماوەری پارتی و ھەموو
خەڵکی کوردستان بکەم، ئەو خۆڕاگرییە مکوڕترمان دەکات لە ھەنگاونان بەرەو ئاییندە و
کارکردن بۆ مسۆگەرکردنی مافە ڕەواکانی گەلەکەمان. ئەوەیش دووپات دەکەمەوە باشترین
وەفا و وەڵام بۆ خوێنی شەھیدان و قوربانیدانی گەل سەربەخۆیی کوردستانە. سەربەخۆیی
کوردستان و ئاشتی و پێکەوەژیان ئامانجی پارتی دیموکراتی کوردستانە و لەو ڕێگەیەدا
ئامادەی ھەموو قوربانیدانێکە و بۆ گەییشتن بەو ئامانجانە پارتی بڕوای بە یەکڕیزی و
تەبایی نێوخۆیی کوردستان ھەیە.
دەقی پەیامەکە
بەناوی خودای بەخشندە و میھرەبان
بەبۆنەی ڕۆژی شانزەی ئاب، حەفتاویەکەمین ساڵیادی
دامەزراندنی پارتی دیموکراتی کوردستان، گەرمترین پیرۆزبایی خۆم ئاراستەی کادیر،
ئەندام و لایەنگرانی پارتی دەکەم، پیرۆزبایی لە خانەوادەی سەربەرزی شەھیدان،
پێشمەرگە قارەمانەکان و ھەموو چین وتوێژ و پێکھاتەکانی کوردستان دەکەم.
پارتی ھەر لە سەرەتای دامەزراندنییەوە ھەتا
ئێستا ئامرازێک بووە بۆ بەدیھاتنی ئامانجە دیموکراتی، نیشتمانی و نەتەوەییەکانی
گەلی کوردستان و لە ھەمانکاتیشدا ھاوشان لەگەڵ ھێزە تێکۆشەر و نیشتمانپەروەرەکانی
تری کوردستان ئامرازی بەرگریکردن بووە لە ماف و پێناسەی گەلی کوردستان لە ھەموو
قۆناغەکاندا.
پارتی لە دروشم و لە کرداردا، پێشەنگ و ھەڵگری
بەرپرسیارێتیی بووە لە قۆناغە گرنگەکانی خەباتی گەلی کوردستان و ئێستایش لە قۆناغی
بنیاتنان و شەڕی تیرۆر و ھەنگاونان بەرەو سەربەخۆیی بە شانازییەوە خاوەنی ھەمان
ئەرک و ڕۆڵە و لەم ڕێگەیەدا قوربانیی بێھەژماری داوە.
لەو بۆنەیەدا بە پێویستی دەزانم سوپاسی خۆڕاگری
وکۆڵنەدانی جەماوەری پارتی و ھەموو خەڵکی کوردستان بکەم، ئەو خۆڕاگرییە مکوڕترمان
دەکات لە ھەنگاونان بەرەو ئاییندە و کارکردن بۆ مسۆگەرکردنی مافە ڕەواکانی
گەلەکەمان. ئەوەیش دووپات دەکەمەوە باشترین وەفا و وەڵام بۆ خوێنی شەھیدان و
قوربانیدانی گەل سەربەخۆیی کوردستانە. سەربەخۆیی کوردستان و ئاشتی و
پێکەوەژیان ئامانجی پارتی دیموکراتی کوردستانە و لەو ڕێگەیەدا ئامادەی ھەموو
قوربانیدانێکە و بۆ گەییشتن بەو ئامانجانە پارتی بڕوای بە یەکڕیزی و تەبایی
نێوخۆیی کوردستان ھەیە.
داوا لە ئەندام و لایەنگرانی پارتی دەکەم کە بە ھەموو
توانایەکیان ھاوشان لەگەڵ ھەموو خەڵکی کوردستان پاڵپشتی پڕۆسەی سەربەخۆیی و
ڕیفراندۆم بن، چونکە جگە لە سەربەخۆیی، گەلی کوردستان ھیچ ڕێگەیەکی تری لەبەردەم
نییە، ئەوەیش لەپێناو دووبارە نەبوونەوەی کارەساتەکان و بەرقەراربوونی ئاشتی و
بووژانەوە.
مسعود بارزانی
15ـی 8ـی 2