ئەمڕۆ ٥ ی ئەیلول لە سەرتاسەری باشووری کوردستان بە ناوچەکانی ژێر دەسەڵاتی حکومەتی هەرێم و ناوچە جێناکۆکەکان هەڵمەتی بانگەشەکردن بۆ ریفراندۆم دەستی پێکرد.
ئەو هەڵمەتە ١٨ رۆژ بەردەوام دەبێت و تا ٢٢ ی ئەیلول درێژە دەکێشێت.
دوێنی داوای مۆڵەتی بەشداریکردنی جووڵانەوەی " نەخێر لە ئێستادا " لەلایەن کۆمسیۆنی هەڵبژاردنەوە بەبیانووی تۆمارنەکردنی ئەو جووڵانەوەیە وەک قەوارەی سیاسی رەتکرایەوە.
لەمڕۆوە پارت و قەوارە سیاسییەکان و خەڵک دەتوانن بانگەشە بۆ گشتپرسی بکەن، تاوەکو ئێستاش 9 قەوارە و رێکخراو خۆیان بۆ چاودێریکردنی پرۆسەکە تۆمارکردووە.
بەپێی ئاماری کۆمیسیۆن زیاتر لە 5 ملیۆن کەس مافی دەنگدانیان هەیە و 46 هەزار سندوقی دەنگدانیش بۆ پرۆسەکە ئامادەکراون.