وەزیرانی دەرەوەی هەر سێ ولاتی توركیا و ئێران و عێراق لە بەرامبەر پرسی ڕیفڕاندۆم یەكدەگرن و پێیانوایە " مەترسی كەوتنەوەی پشێوی دیكەی لێ دەكرێت".
لە پەراوێزی كۆبونەوەكانی نەتەوەیەكگرتووەكاندا، وەزیرانی دەرەوەی عێراق وتوركیا و ئێران بەیاننامەیەكیان بڵاوكردەوە و تیایدا ئاماژە بۆ ئەوە دەکەن " پرۆژەی ئەنجامدانی ڕاپرسی كە بڕیارە لە 25 ی ئەیلول ئەنجامبدرێت، بەهۆیەوە هەموو ئەو دەستكەتانەی عێراق لە دژی داعش بەدەستی هێناوە دەكەوێتە مەترسیەوە، هەروەك پێچەوانەی دەستوری عێراقیە و مەترسی كەوتنەوەی پشێوی دیكەی لێ دەكرێت".
لە بەیاننامە هاوبەشەكەدا هاتووە" وەزیرانی دەرەوەی هەر سێ وڵات رێكەوتن لەسەر : جەختكردنەوە لەسەر پاراستنی سەروەری عێراق و یەكپارچەیی خاكەكەی، پێشوازیكردن لە ئازادكردنی پارێزگای نەینەوا، كەەخۆڕاگری گەلی عێراقی پیشاندا دژی داعش".
هەروەها جەخت لەسەر ئەوە دەکەنەوە" ئەنجامدانی ڕاپرسی هیچ سودێكی بۆ هەرێمی كوردستان نابێت".