حەیدەر عەبادی سەرۆك
وەزیرانی عێراق و سەلیم جبوری سەرۆكی پەرلەمانی عێراق لەبارەی كێشەكانی نێوان هەولێر
و بەغدا كۆبوونەوە.
بەپێی بەیاننامەیەكی
نوسینگەی سەلیم جبوری سەرۆكی پەرلەمانی عێراق، ئەمڕۆ شەممە حەیدەر عەبادی و سەلیم جبوری
كۆبوونەتەوەو تاوتوێی كێشەكانی نێوان هەولێر و بەغدا و چارەسەركردنی پرسە هەڵپەسێردراوەكان
و كۆتایی هێنان بەقەیرانەكانیان كردووە لە رێگەی پشتیوانیكردن لەگفتوگۆو رێزگرتن لەبنەما
نیشتیمانییەكان.
عەبادی و جبوری هەروەها
"جەختیانلەسەر چارەسەركردنی كێشەكانی نێوان هەولێر و بەغدا كردووەتەوە لەرێگەی
دەستوری عێراقەوە".
لەبەیاننامەیەكەدا
هاتووە، "تەئكیدكراوەتەوە لەسەر پێویستی كردنەوەی ئاسۆی نوێی هاریكاری لەگەڵ وڵاتانی
دراوسێ بەمەبەستی بەرەو پێشبردنی ئابووری عێراق و پتەوكردنی پەیوەندیەكان لەگەڵیاندا".
ئەوەش خراوەتەڕوو،
باس لەسەركەوتنەكانی هێزە عێراقییەكان كراوە لە خۆرئاوای ئەنبار كە دواترینیان ئازادكردنی
شاری قائیم بوو، كە مژدەی كۆتاییهێنان بە داعش لە عێراق راگەیەندرا.