وەزیری تەندروستی حكومەتی هەرێم وادەی دابەشكردنی پارەی هاندانی كارمەندانی تەندروستی ئاشكرادەكات و هۆكاری دواكەوتنەكەشی ڕادەگەیەنێت.
د.ڕێكەوت حەمەڕەشید، وەزیری تەندروستی حكومەتی هەرێم لەئەكاونتی تایبەتی خۆیەوە لەتۆڕی كۆمەڵایەتی فەیسبوك ئاشكرایكردوە، "هەفتەی داهاتوو دەست بەدابەشكردنی پارەی هاندانی مانگێكی دیكەی كارمەندانی تەندروستی دەكەین".
مانگانە دوای دابەشكردنی موچەی وەزارەتی تەندروستی، بڕە پارەیەك بەناوی پارەی هاندان بەكارمەندانی تەندروستی دەدرێت، بەڵام وەزیری تەندروستی ئاشكرایدەكات، "بۆ ئەم مانگە پارەكە دواكەوتوە، بەهۆی قەیرانی داراییەوە".