له‌شاری هه‌ولێر دوو ژن كه‌ پێشتر له‌لایه‌ن پۆلیسی شاره‌كه‌وه‌ گرته‌ی دزیكردنه‌كه‌یان بڵاوكرابوەوه‌ ده‌ستگیركران.

به‌گوێره‌ی راگه‌یاندراوێكی به‌ڕێوه‌به‌رایه‌تی‌ پۆلیسی‌ پارێزگای هه‌ولێر، رائید باسك فه‌رج ره‌حیم ئه‌فسه‌ر له‌ نوسینگه‌ی‌ نه‌هێشتنی‌ تاوان، به‌هاوكاری‌ نوسینگه‌كه‌ توانیویه‌تی‌ ئه‌و دوو دزه‌ ده‌ستگیر بكات.

لە ڕاگەیەندراواکەدا هاتووە "دوای‌ ده‌ستگیركردنیان، هه‌ردوو تۆمه‌تباره‌كه‌ دانیان به‌و تاوانه‌دا ناوه‌و چه‌ند تاوانێكی‌ تری‌ دزیكردنیشیان ئه‌نجامداوه‌".