لیژنە هاوبەشەكانی قائیمقامیەتی سلێمانی چەند شوێنێكی كاركردنیان داخست و هۆکارەکەشی بۆ پابەندنەبوون بە مەرج و ڕێنماییەكانی كاركردن و ئەنجامدانی کاری نەشیاو دەگێڕێتەوە.
هەرێم عەبدولڕەحمان، سەرۆكی لیژنەی ڕێستۆرانتی سەربە لیژنە هاوبەشەكانی قائیمقامیەتی سلێمانی وتی، "لە دوو ڕۆژی ڕابردوودا بەهۆی پابەندنەبوونیان بە مەرج و ڕێنماییەكانی كاركردنەوە، لیژنە هاوبەشەكان هەریەكە لە خواردن و خواردنەوەی (میر ئەزمڕ، سایە گوڵ) هەروەها كافتریای (شتوگارد، ڤانۆ)یان داخستووە.
سەرۆكی لیژنەی ڕێستۆرانتەكان وتیشی، لەكاتی سەردانی لیژنەكەدا بۆ پشكنین لەم شوێنانە تێبینی پابەندنەبوون بە مەرج و ڕێنماییە تەندروستیەكان و نەبوونی مۆڵەت بۆ شوێنی كاركردنەكە و هەبوونی نەوجەوان و ڕێگرینەكردن لە كاری نەشیاو لە شوێنەكەیاندا، كراوە.
هەرێم عەبدولڕەحمان ئاماژەی بەوە كرد، بە فەرمانی قائیمقامی سلێمانی و لەلایەن لیژنەی ڕێستۆرانتەوە ئەو شوێنانە داخراون ت ائەوكاتەی سەرجەم مەرج و ڕێنماییەكانی كاركردن جێبەجێ دەكەن.