سەرۆكی پەرلەمانی كوردستان داوا دەکات، بارودۆخی کەرکوکو خورماتوو ئاسایی بکرێتەوە.
د. یوسف محەمەد، سەرۆكی پەرلەمانی كوردستان لە وتارێكدا لە (14)ـەیەمین كۆنفراسی كورد و یەكێتی ئەوروپا لە برۆكسلی پایتەختی بەلجیكا رایگەیاند " تیرۆر و كۆچ دەریخست بەرژەوەندی هاوبەش لە نێوان هەرێمی كوردستان و یەكێتی ئەوروپادا هەیە".
سەرۆکی پەرلەمان لە درێژەی وتارەکەیدا وتیشی "سەقامگیری لە هەرێم بە دیموكراتیزەكردن دێتە كایەوە ئەوەش لە رێگەی سەربەخۆیی دادگاكان و دژایەتیكردنی گەندەڵی و دامەزراندنی دەسەڵاتێكی یاسادانانی بەهێز كە لە ماوەی رابردودا بزوتنەوەی گۆڕان كاری بۆ كردوە".
لەبارەی کێشەکانی نێوان هەرێم و بەغداشەوە د، یوسف محەمەد وتی " شەڕ چارەسەری كێشەكانی نێوان هەولێر و بەغدا ناكات، ئەگەر لەبری بەرژەوەندی كەسی و حیزبی بەرژەوەندی گشتی لەبەرچاو بگیرێت ئەوا چارەسەر ئاسان دەبێت".