باڵیۆزخانەی ئەمریكا لە عیراق ئاگادارییەكی بەپەلەی بڵاوکردەوە و داوا لە سەرجەم هاوڵاتییە ئەمریكییەكانی نیشتەجێی عێراق دەكات، ئاگاداری خۆیان بن و هەوڵی پاراستنی ژیانیشیان بدەن.
ئەمڕۆ 7ی كانونی یەكەمی 2017، باڵیۆزخانەی ئەمریكا لە عیراق، ئاگادارییەكی بەپەلەی ئاراستەی ئەمریكییەكانی نیشتەجێی ئەو وڵاتە كردو داواشی لێكردن بۆ خۆپاراستنی لەهەر پەلامارێك كە بەهۆی بڕیاری ناساندنی شاری قودس وەك پایتەختی ئیسرائیل، دووچاری ببنەوە.
ئەوەش دوای ئەوە دێت دژ بە بڕیارەكەی دۆناڵد ترەمپ سەرۆكی ئەمریكا بە داننان بە شاری قودس وەك پایتەختی دەوڵەتی ئیسرائیل، خۆپیشاندانی ناڕەزایی لە بەغداو چەند شارێكی عیراق بەڕێوەچوو
باڵیۆزخانەی ئەمریكا داواشی لە هاوڵاتیانی وڵاتەكەی كردووە، بەهیچ شێوەیەك لەو ناوچانە نزیك نەبنەوە، كە خۆپیشاندان و ناڕەزایەتیی لێ بەڕێوەدەچێت.