به‌هۆی لێکۆڵینەوەو بەدواداچوون لەدۆسیەکانی گەندەڵی، هه‌ڕه‌شه‌ی كوشتن له لەلیژنه‌ی لێکۆڵینەوە لەدۆسیەکانی گەندەڵی عێڕاق دەکرێت.
لەکۆنفرانسێکی رۆژنامەوانیدا ئه‌مڕۆ 12ی كانونی یه‌كه‌می 2017، کازم ساعدی سەرۆکی لیژنەی خزمەتگوزاری و ئاوەدانکردنەوە لەئەنجومەنی نوێنەرانی عێراق رایگەیاند" ئەو لیژنانەی لەپەرلەمانتاران پێکھێنراون، بەمەبەستی لێکۆڵینەوەو بەدواداچوون لەدۆسیەکانی گەندەڵی، رۆژانە سەردانی وەزارەت و دەستەو فەرمانگەکان دەکەن، رووبەڕووی چەندین ھەڕەشەی کوشتن و رفاندن دەبنەوەو تەنانەت چەند جارێکیش تەقەیان لێکراوە".
سەرۆکی لیژنەی خزمەتگوزاری و ئاوەدانکردنەوە لەئەنجومەنی نوێنەرانی عێراق، لە درێژەی قسەکانیدا دەڵێت "بەنووسراوێکی فه‌رمی داوامان لەحکومەتی عێراق و ھێزە ئەمنییەکان کردووە، ژمارەیەک پاسەوان بۆ ئەو لیژنەیه تەرخان بکەن، بەمەبەستی پاراستنیان لەھەر جۆرە ھەڕەشەو پەلاماردانێک".