وێنە.. لەدژی دەسەڵاتدارانی کۆماری ئیسلامی ئێران چالاکوانێکی ژن خۆی رووتدەکاتەوە

ژنێکی ئێرانی وێنەیەکی خۆی بە سنگی ڕووتەوە و ئاڵای وڵاتی ئێرانەوە بڵاوکردەوە وەک دژایەتێکردنێک بۆ دەسەڵاتەدارانی کۆماری ئیسلامی ئێران و  پشتگیری بۆ خۆپیشاندەرانی وڵاتەکەی .

مریەم نمازی خانمە چالاکوانی ئێران و ئەندامی حیزبە چەپەکانی ئەو وڵاتە، وەک پاڵپشت بۆ خۆپیشاندانەکانی ئێران وێنەیەکی خۆی بە ڕووتی بڵاوکردەوە و وێنەکەش هەر زوو بە تۆڕە کۆمەڵایەتییەکاندا بڵاوکرایەوە.

بە گوێرەی هەواڵێکی ماڵپەڕی internethaberی تورکی ئەو خانمە ئەندامی مەکتەبی سیاسی حزبی شیۆعییە و وەک پشتگیرییەک بۆ خۆپیشاندەران ئەو کارەی کردووە.

ناوبراو لە ساڵی 1966 لە تاران لە دایکبووە و لە ئێران و هند خوێندویەتی و لە ئێستادا لە لەندەن دەژی و ئەم وێنەیەشی وەک پشتگیرییەکە بۆ ژنە خۆپیشاندەرەکانی ئێران گرتووە.

دە رۆژە زنجیرەیەک خۆپیشاندان وڵاتی ئێرانی گرتووەتەوە و بە هۆیەوە زیاتر لە 20 خۆپیشاندەر کوژراون و بەسەدان برینداربوون و،  هێزێکی زۆری ئەمنی دەیانەوێت بە زەبری هێز کۆتایی بە خۆپیشاندانەکانی ئەو وڵاتە بهێنن.


ئه‌م بابه‌ته ‌14717 جار خوێنراوه‌ته‌وه‌‌

PM:05:05:04/01/2018