تورکیا...بەهۆی وەرگەڕانی پاسێکەوە نۆ هاوڵاتی عێراقی گیانیان لەدەستدا

بەهۆی وەرگەڕانی پاسێکەوە لە شارۆچکەی سلۆپی، نۆ هاوڵاتی عێراقی گیانیان لەدەستدا و ٢٨ کەسی دیکەش برینداربوون.


ئاژانسی ئەنادۆڵ بڵاویکردەوە ئەمڕۆ هەینی پاسێک کە ژمارەیەک سەرنشینی عێراقی تێدابووە، لە سلۆپی کە دەکەوێتە باشوری ڕۆژهەڵاتی شرناخەوە، وەرگەڕاوە و بەهۆیەوە ٩ سەرنشین گیانیان لەدەستداوە و ٢٨ی دیکەش برینداربوون.

هاوکات ماڵپەڕی دەیلی سەباحی تورکی ڕایگەیاندووە: پاسەکە لەسەر شاڕێی سلۆپی – خابور وەرگەڕاوە و بەپێی زانیارییە سەرەتاییەکانیش، سێ لەوانەی گیانیان لەدەستداوە و منداڵن دووان لە بریندارەکانیش برینەکانیان سەختە.

ئەوەشی وتووە: دوای گەیشتنی تیمەکانی فریاکەوتن، بریندارەکان گوزراونەتەوە بۆ نەخۆشخانەی سلۆپی.


ئه‌م بابه‌ته ‌3089 جار خوێنراوه‌ته‌وه‌‌

AM:11:22:12/01/2018