شاسوار عەبدولواحید سەرۆکی جوڵانەوەی نەوەی نوێ، سەبارەت بە بایکۆتى هەڵبژاردنەکان لە ناوچە جێناکۆکەکان لەلایەن پارتییەوە، دەڵێت "پارتی دەزانێت ناتوانیت تەواوی هێزە کوردییەکان لە ژیر چەتری خۆیدا کۆبکاتەوە و خۆی سەرکردایەتیان بکات و دواتر لە بەغداد دەستکەوت و پۆست وەربگرێت، بۆیە بڕیای کشانەوەی دا.
هەر لەو وتارەیدا کە لە پەڕەی تایبەتی خۆی لە فەیسبووک بڵاویکردووەتەوە، شاسوار عەبدولواحید نوسیوێتی، کشانەوەی پارتی لە کەرکوک و بەشدارینەکردنی لە هەڵبژاردنەکانی داهاتوو، دوو هۆکاری سەرەکی هەیە یەکەم، پێشتر لە کەرکوک رۆژانە ٣٠٠ هەزار بەرمیل نەوت دەردەهێنرا و پارتی بە ئارەزوی خۆی دەیفرۆشت، بەڵام لە ئیستا نەوتی کەرکوک لە دەست پارتی نەماوە، بۆیە پارتی هیچ ئیشێکی بە کەرکوک نەماوە و گرنگ نییە بە لایەوە کێ دەنگ دەهێنێت.
شاسوار عەبدولواحید هۆکاری دووەمیش بۆ ئەوە دەگەڕێنێتەوە، پارتی لە ئێستادا هیچ هەژمون و دەسەڵاتێکی نەماوە بەسەر ناوچە دابرێندراوەکان، بۆیە توانای تەزویری لەو ناوچانەدا نەماوە و ترسی دەرکەوتنی حەجمی راستەقینەی خۆی هەیە.
ئەمرۆ پارتی دیموکراتی کوردستان بایکۆتی هەڵبژاردنەکانی عێراقی کرد لە کەرکوک و ناوچە کوردستانییەکانی دەرەوەی هەرێم و داواشی لە دانیشتوانی ئەو ناوچانە کردووە بایکۆتی هەڵبژاردنەکان بکەن.