فڕۆکەیەکی ڕوسی خرایە خوارەوە

فڕۆکەیەکی ڕوسی لە سوریا خرایە خوارەوە و فڕۆکەوانەکەشی دوای ئەوەی خۆی فڕێداوەتەوە خوارەوە  دەستگیرکراوە.

ڕوانگەی سوری بۆ مافەکانی مرۆڤ ڕایگەیاند، فڕۆکەیەکی جۆری سوخۆ-٢٥ لە ناوچەیەکی ئیدلیبی باکوری سوریا کە لەژێر کۆنترۆڵی گروپە چەکدارەکانی ئۆپۆزسیۆندایە خراوەتەوە خوارەوە.

ئاماژەی بەوەش کردووە، فڕۆکەوانەکە پێش ئەوەی فڕۆکەکەی تێکبشکێت، خۆی فڕێداوەتەوە خوارەوە و دواتر دەستگیرکراوە.

تا ئێستاش هیچ گروپێک بەرپرسیارێتی خۆی لە تێکشکاندنی فڕۆکەکە ڕانەگەیاندووە.


ئه‌م بابه‌ته ‌1076 جار خوێنراوه‌ته‌وه‌‌

PM:07:53:03/02/2018