ئەگەر هەموو رۆژێک چای سەوز بخۆیتە ئەم شتانە بەسەر جەستەدا دێت


چای سەوز بەیەکێک لە خواردنەوە سروشتیە باشەکان دادەنرێت و لە چەندین لێکۆڵینەدا باس لەگرنگی ئەم خواردنەوە بەسودە کراوە کە چەندین سودی هەیە بۆ تەندروستی ، لە گرنگترین سودەکانی چای سەوز ئەمانەن:

- لە توشبون بە شێرپەنجە دەتپارێزێت: چەندین لێکۆڵینە وە ئەوەیان سەلماندوە کە خواردنەوەی ١-٢ کوپ چای سەوز ڕۆژانە دەتپارێزێت لە توشبون لە شێرپەنجە بەتایبەت شێرپەنجەی مەمک .

- یارمەتی جگەر دەدات بەباشی کاربکات: خواردنەوی چای سەوز ڕۆژانە ڕێگری دەکات لە توشبون بە نەخۆشی چە وری جگەر ،هەروەها دەبێتە هۆی زیاد بونی ئەنزیمێک کە بەرپرسیارە لە نەهێشتنی ژەهر لە جگەردا.

- کێشی لەش دادەبەزێنێت: چای سەوز بەهۆی ئەوەی کە کافاینی تێدایە یارمەتی سوتاندنی چەوری لەش دەدات بەمەش رێگری دەکات لە زیادبونی کێشی لەش.

- دەبێتە هۆی نەهێشتنی قەبزی: چای سەوز یارمەتی کرداری هەرس دەدات ئەو کێشانەی هەرس ناهێڵێت کە هۆکارن بە توشبون بە قەبزی.

- لە توشبون بە شەکرەی جۆری ٢ دەتپارێزێت: چای سەوز یارمەتی دابەزاندنی شەکرەی بەرزی خوێن دەدات . بەپێی لێکۆڵینەوەیەک کە ژاپۆن ئەنجامدراوە ، باس لەوە کراوە خواردنەوەی چای سەوز %٤٢ لە توشبون بە شەکرەی جۆری ٢ دەتپارێزێت.

- خەمۆکی ناهێڵێت: چای سەوز ترشی ئەمینی تێدایە کە ڕێگری دەکات لە قەلەقی و خەمۆکی.

- لەناوبەری بەکتریاو ڤایرۆسە: چای سەوز دژە بەکتریا و دژە ڤایرۆسە هەروەها دەبێتە هۆی بەهێز بونی سیستەمی بەرگری لەش.

سەرچاوە: Healthy Living

وە:هە-ف


ئه‌م بابه‌ته ‌1008 جار خوێنراوه‌ته‌وه‌‌

PM:10:33:04/02/2018