سبەی ڕووداوێکی گەردونی ڕوودەدات

گه‌ردوونناسان رایانگه‌یاند، پارچه‌ به‌ردێكی گه‌ردوونی كه‌ پێنج رۆژ له‌مه‌وبه‌ر له‌بۆشایی ئاسماندا بینراوه‌، سبه‌ینێ به‌نزیك زه‌ویدا تێده‌په‌ڕێت.

بەگوێرەی هه‌واڵێكی بی بی سی، ناوه‌ندی توێژینه‌وه‌ی كاتالینا كه‌ سه‌ربه‌ ده‌زگای گه‌ردوونناسیی ناسایه‌، پارچه‌ به‌ردێكی به‌دیكردووه‌ له‌ بۆشایی ئاسماندا كه‌ به‌ "2018 CB" ناسراوه‌.

به‌رده‌كه‌ یه‌ك له‌سه‌ر پێنجی دووریی نێوان مانگ و زه‌ویی بڕیوه‌ كه‌ ده‌كاته‌ 69 هه‌زار و 700 كیلۆمه‌تر.

به‌پێی هه‌واڵه‌كه‌ "2018 CB" تیره‌كه‌ی 40 مه‌تر ده‌بێت و به‌نزیك زه‌ویدا تێده‌په‌ڕێت، به‌ڵام جه‌ختكراوه‌ته‌وه‌ كه‌ مه‌ترسی بۆ سه‌ر زه‌وی دروست ناكات.

پێشبینی ده‌كرێت كاتژمێر 1:27ی پاشنیوه‌ڕۆی سبه‌ینێ یەکشەممە به‌نزیك زه‌ویدا تێبپه‌ڕێت.


ئه‌م بابه‌ته ‌4272 جار خوێنراوه‌ته‌وه‌‌

PM:11:09:10/02/2018