بەوێنە.. ئەڤین ئاسۆ بە ستایڵێکی جیاوازەوە دەردەکەوێت

ئەڤین ئاسۆ ئەستێرەی بەرنامە هونەری و کۆمەلآیەتییەکان بە ستایڵێکی جیاواز دەردەکەوێت.

ئەڤین ئاسۆ میدیاکاری ناسراوی کورد، لە تۆڕی کۆمەلآیەتی ئیسنتاگرام چەند وێنەیەک لە رۆژانی رابردوودا بلآودەکاتەوە کە دەبێتە مایەی خۆشحاڵی هەوادارانی و چەندان کۆمێنتی بۆ دەنووسرێت کەباس لە شیکی و جوانی ئەو بێژەرە دەکرێت.

ئەڤین لە ١ی کانوونی دووەمی ١٩٨٦ لە گەڕەکی دەرگەزێنی شاری سلێمانی لەدایکبووە، لە خوێندنگەی سورکێو کە تێیدا خوێندکار بووە کاری شانۆیی کردووە. چەند ساڵێک لەمەوبەر یەکەمین ئەزموونی پێشکەشکردنی لە ڕادیۆ و تەلەڤزیۆنی «پارێزگاران»ی پارتی پارێزگارانی کوردستانەوە دەست پێکرد، پاشان چووەتە ڕادیۆی نەوا و بۆ ماوەی زیاتر لە ساڵێک پێشکەشکاری سەرەکیی بەرنامەی «سروەی نەوا» و بەرپرسی هاماهەنگیی بەرنامەکانی ئەو ڕادیۆیە بوو. 

دواتر دەچێتە کۆمپانیای ئارت، لە ڕێی کارەکانی ئەو کۆمپانیایە و دواتریش کەناڵ ٤ و بەرنامەکەی «ئەڤین ژن و ژیان»ەوە ناوبانگێکی زۆری پەیداکرد. ئەو بەرنامانەی تاکوو ئێستا کار و پێشکەشکاری تێدا کردوون بریتین لە (میڤان شۆ، چەرخ و فەلەک، من جیاوازم، تۆ نموونەی، ملیۆنێر، ئارامۆ شۆ و ئەڤین ژن و ژیان)، تا ئێستا لە ھەریەکە لە کەناڵە ئاسمانییەکانی (زاگرۆس تیڤی، کۆڕەک، كەناڵ ٤، کوردماکس و نێت تیڤی) کاری کردووە.

ئه‌م بابه‌ته ‌9378 جار خوێنراوه‌ته‌وه‌‌

PM:03:02:17/02/2018