لە چالاكییەكی تایبەتی هێزەكانی سوریای دیموكرات "هەسەدە" 20 سەربازی سوپای توركیا و چەكداری گروپە توندڕەوەكان لە ناحیەی راجۆی سەر بە شاری عەفرین كوژران.
ئاژانسی هەواڵی هاوار بڵاویكردەوە كە لە گوندی "هوپكا"ی سەر بە ناحیەی راجۆ، هێزەكانی سوریای دیموكرات چالاكییەكی تایبەتیان ئەنجامداوە و بەهۆیەوە 20 چەكداری گروپە توندڕەوەكانی سەر بە توركیا كوژران.
هاوكات ئاژانسی هەواڵی "فورات"ی سەر بە پارتی كرێكارانی كوردستان بڵاویكردەوە، ژمارەیەك لە كوژراوانی چالاكییەكەی شەڕڤانان، سەربازی سوپای توركیان و جەختیشیكردەوە لەوەی هێزەكانی سوریای دیموكرات "گورزی قورسیان له سوپای توركیا و چه‌ته‌كان دا".