وتەبێژی یەپەگە رەتیدەکاتەوە گەیشتبێتنە رێککەوتنی کۆتایی بۆ گواستنەوەی چەند یەکەیەکی سوپای سوریا بۆ سنورەکانی کانتۆنی عەفرین.
نوری مەحمود، وتەبێژی یەکینەکانی پاراستنی گەل (یەپەگە) لە لێدوانێکدا بۆ ئاژانسی رۆیتەرز، رەتیکردوەتەوە یەپەگە و سوپای روسیا گەیشتبێتنە رێککەوتن لەبارەی هاتنی چەند یەکەیەکی سوپا بۆ سنوری عەفرین لەپێناو وەڵامدانەوەی لەشکرکێشی و هێرشی تورکیا.
وتوشیەتی؛ تەنها داواکارییەک هەبوە بۆئەوەی سوپا سنورەکان بپارێزێت و هیچ رێککەوتنێک لەئارادا نییە.