شەرڤانانی یەپەگە و یەپەژە لە ناوچەی شەرا-ی عەفرین چالاکیەکیان لە دژی سوپای تورکیا ئەنجامداو ژمارەیەک چکدار دەکەنە ئامانج.
ناوەندی ڕاگەیاندن و چاپەمەنی یەکینەکانی پاراستنی گەل-یەپەگە ڕایگەیاند، ئێوارەی ٢١ی شوبات، شەرڤانانیان بە هاوبەشی لەگەڵ یەکینەکانی پاراستنی ژن-یەپەژە، لە سنووری گوندی عەرەبوێران-ی سەربە ناوچەی شەرا-ی عەفرین، چالاکیەکیان لە دژی سوپای تورکیا و چەکدارە ئیسلامییەکان ئەنجامداوە.
یەپەگە ڕایگەیاندووە، لە ئەنجامی ئەو چالاکیەدا، زەبری قورس لە سوپای تورکیا و چەکدارە ئیسلامییەکان ئەنجامدراوەو ژمارەیەک کوژراو و برینداریان هەیە.
وەک لە دیمەنەکەدا کە یەپەگە بڵاوی کردووەتەوە دەردەکەوێت، شەرڤانان بە مووشەک، گروپێک سەرباز و چەکداری تورکیا کە خەریکن هەڵدێن دەکەنە ئامانج و لەناویان دەبەن.
هەر ئەمڕۆ و لەم گوندە، شەرڤانانی یەپەگە ئۆتۆمبیلێکی سەربازی سوپای تورکیا و چەکدارە ئیسلامییەکان تێکشکاند و سەرجەم سەرنشینەکانی کوژران.