عه‌‌بادی‌ بڕیاری ناردنی‌ موچه‌ی سێ‌ مانگی‌ چەند بەڕێوەبەرایەتیەکیدا

سه‌رۆك وه‌زیرانی‌ عێراق بڕیاری ناردنی‌ موچه‌ی‌ سێ مانگی‌ فه‌رمانبه‌رانی‌ چەند به‌ڕێوه‌به‌رایه‌کیدا و به‌ڕێوه‌به‌ری‌ پاسپۆرتی‌ سلێمانیش ورده‌كاری زیاتری بڕیاره‌كانی‌ عه‌بادی ئاشكرا ده‌كات.

سالار عه‌بدوڵڵا، به‌ڕێوه‌به‌ری‌ پاسپۆرتی‌ پارێزگای‌ سلێمانی كه‌ به‌شداربووی كۆبوونه‌وه‌كه‌بوو ڕایگه‌یاند، "له‌كۆبونه‌وه‌ی‌ ئه‌مڕۆدا حه‌یده‌ر عه‌بادی، سه‌رۆك وه‌زیرانی‌ عیراق و به‌ ئاماده‌بوونی وه‌زیری ناوخۆی هه‌رێمی كوردستان و ژماره‌یه‌ك له‌به‌ڕێوه‌به‌ران و ئه‌فسه‌رانی كورد، بڕیاری كردنه‌وه‌ی‌ هه‌ردوو فڕۆكه‌خانه‌ی نێوده‌وڵه‌تی‌ هه‌ولێر و سلێمانی‌ ڕاگه‌یاند".

هەروەها وتیشی‌ "له‌كۆبونه‌وه‌كه‌دا عه‌بادی بڕیاریدا موچه‌ی‌ هه‌ر چوار به‌ڕێوه‌به‌رایه‌تیه‌كانی‌ (ڕه‌گه‌زنامه‌، پاسپۆرت، نشینگه ‌و كارتی‌ زانیاریی) ڕه‌وانه‌بكرێت كه‌ سه‌ر به ‌حكومه‌تی‌ عیراقن".

به‌ڕێوه‌به‌ری‌ پاسپۆرتی‌ پارێزگای‌ سلێمانی ئەوەشى وت "بڕیاره‌ موچه‌ی‌ هه‌رسێ مانگه‌كانی‌ (١٠، ١١و ١٢)ی‌ ساڵی‌ ڕابردوو به‌سه‌ریه‌كه‌وه‌ بۆ فه‌رمانبه‌رانی‌ هه‌ر چوار به‌ڕێوه‌به‌رایه‌تیه‌كه‌ خه‌رجبكرێت".


ئه‌م بابه‌ته ‌2438 جار خوێنراوه‌ته‌وه‌‌

PM:03:01:13/03/2018