وتەبێژى حکومەتی هەرێم ڕایگەیاند، بەبۆنەى ساڵیادی لەدایکبوونى مستەفا بارزانی ڕۆژانی چوارشەممە و پێنجشەممە دەبێـتە پشوو لە سەرجەم دامودەزگاکانى هەرێم.
سەفین دزەیی وتەبێژى حکومەتی هەرێم ڕایگەیاند، "بەبۆنەی ساڵیادی لەدایكبوونی سەركردەی نەتەوەیی كورد مستەفا بارزانی، بە هاووڵاتییانی هەرێمی كوردستان ڕادەگەیەنین، ڕۆژی چوار شەممە و پێنجشەممە ١٤، ١٥ی ئازاری ٢٠١٨ لە سەرجەم دامودەزگاكانی حكومەتی هەرێمی كوردستان دەبێتە پشووی فەرمی".
ئەمەش لەکاتێکدایە، پێشتر بەرێوەبەرایەتی گشتى پەروەردەى سلێمانى ڕایگەیاند، جگە لە ڕۆژانی ٢٠ تا ٢٤ی ئازار ، سەرجەم پشووەکانی تر پەروەردە ناگرێتەوە و دەوامی خوێندگاکان بەردەوام دەبێت.
ساڵانە مانگی ئازار بەهۆی پشووەکانى بەهار و ڕاپەرین و جەژنی نەورۆزەوە زۆرترین پشووی تێدایە.