لە یاری گەڕانەوەی قۆناغی شانزەدا، یانەی بەرشەلۆنەی ئیسپانیا توانی بە سێ گۆڵی بێ وەڵام شکست بە یانەی چێڵسی ئینگلتەرا بێنێت و سەرکەوتن بۆ قۆناغی هەشتی خولەکە بەدەست بێنێت.

بەرشەلۆنە توانی بە سێ گۆڵی میسی و دیمبلی یاریەکە بباتەوە، کە میسی توانی دوو گۆڵ تۆمار بکات و گۆلی ژمارە ١٠٠یشی لە خولی یانە پاڵەوانەکانی ئەوروپا تۆمارکرد.

ئێستا هەریەکە لە یانەکانی ریاڵ مەدرید و بەرشەلۆنەو سیڤییاو بایرن میونخ و یۆڤانتۆس و رۆماو مانچستەرسیتی و لیڤەرپوڵ سەرکەوتنیان بۆ قۆناغی هەشت بە دەستهێناوەو لە رۆژی هەینیش تیروپشک بۆ یانەکان دەکرێت.