کەمێک لەمەوبەر مامۆستایانى خۆپیشاندەر بە ڕێپێوان بەڕێکەوتن و ڕێگای سەرەکى سلێمانى تاسلوجەیان داخستووە و لە ئێستادا لە بەردەم کەمپی زانکۆدا گردبوونەتەوە.
ئەمڕۆ لە دژی سیستمی پاشەکەوتی موچە، خۆپیشاندانی بەشێک لە مامۆستایان و کارمەندانی تەندروستی لە سلێمانی، هەڵەبجە، کۆیە، گەرمیان و ڕاپەڕین دەستیپێکرد.
خۆپیشاندانی ئەو فەرمانبەرانە دوای ئەوە دێت کە حکومەتی هەرێم ڕایگەیاند بەپێی سیستمی پاشەکەوت موچەیان بەسەردا دابەشدەکرێت.
هاوکات مامۆستایان دەڵێن کە بەردەوام دەبن لە بایکۆت و خۆپیشاندان و ناچنەوە هۆڵەکانی خوێندن تا سیستمی پاشەکەوت بەردەوام بێت.
هەروەها کارمەندانی تەندروستیش حکومەتی هەرێم بە بەرپرسیار دەزانن لەوەی هەر شتێک بەسەر نەخۆشدا بێت.