لەسەر سنوری نێوان هەرێم و رۆژهەڵاتی کوردستان، هێزە ئێرانییەکان پێنج هاوڵاتی هەرێمی کوردستانیان دەستگیرکرد.
سەرچاوەیەك لە دەڤەری راپەڕین بە سپی راگەیاند " نیوەرۆی ئەمڕۆ 3ی نیسان پێنج هاوڵاتی بەمەبەستی هێنانی گژوگیای بەهارە ڕوویان كردۆتە كوێستانەكانی گوندی بێكڵۆلە سنوری مەرزی كێلێی پشدەر".
ئەو سەرچاوەیە وتیشی " ئەو پێنج هاوڵاتییە لەلایەن سوپای پاسدارانی ئێران دەستگیركراون كە لەناویاندا دووكەسیان ژن و ئەوانیتریش پیاون".
سەرچاوەكە وتیشی دوای دەستگیركردنیان، ڕەوانەی فەرمانداری شاری سەردەشتی ڕۆژهەڵاتی كوردستان كراون و هەر پێنچ هاووڵاتیەكەش خەڵكی گوندی بێكڵۆن.
ئا: ئەمیر حەسەن